講兩句

忙得透不過氣，三個星期沒放假了，
老細還說：el，你接著的日子睇怕沒假放了，
噢，暈了．
不過，還得寫下一點點，因為，實在太令人氣憤了！！！

星期二看世貿開幕，主播、現場記者的表現，
著實令人想打爆部電視機．
拉米講話的時候，會場內一批人上前示威，
主播問：這批人士是否非政府予會人士？
記者煞有介事認真地答：不清楚啊！不過，這班人上前之後，非政府人士座位空了一大片！
跟著的十分鐘，主播重覆了不下三數次，
今次世貿會議是首次政府代表與非政府人士同處一個會場！
聽完這段，我想問：以前係咪試過有政府代表離座示威？
抑或，主播無嘢好講，盡是問些無聊問題？

然後，見到壹仔的封面，
當全城只得一張hohn只有4k 的Ｎ年前舊照，
佢哋終於直擊倫敦硬o趙到hohn的盧山，殺晒！勁爆！
但見內文，週日下午，hohn滿頭大汗全身便服回到家中，
形容得極其細致，卻竟然無相，死罪！
週一朝早，他返工竟然唔係自己駕車，而是“往地鐵站方向走去”，
跟著便沒了下文，記者怎麼沒跟下去？又死一次！
最後，記者走到office搵佢，出嚟食晏，記者竟是“要求傾談兩句”，
一個故事裏頭死足三次！！！
真係攞你命三千．

這令我想起，電視新聞經常出現一個畫面，
每有大件事發生，大班記者湧到政府總部，
見到高官，總是說“講兩句吖”！
我就時常幻想，我是高官的話，會問：講乜攬嘢兩句呀？
而老董就是跌落了這個“講兩句”的陷阱，
說了“早晨”、“再見”，卻被誤認為逃避問題，
其實，根本無人問出到肉的問題，他根本無問題可答．