升職不加辛？

十月一號起，小妹由副總升為老總，
可將任何事物都與性事扯上關係的魚先生說：老闆除了我的「副」．

恭賀之聲當然不絕，
當中三個尤其縈繞於懷．

1.打比二號說：u're incredible！
有幾不可思議o者，我覺得我實至名歸喎．

2.奴才對眾組員說：你老細升o左職呀！
語調酸溜溜的，像我就快踩到他頭上，騎在他的背上去．
明明我升來升去，都在他旗下，
點解唔可以諗o下：我條o靚被大老闆賞識，正！
辦公室裡的人（抑或人回到辦公室）總是這個樣子，
人家向上爬，立即唔抵得，
人人齊吞噗，才叫好兄弟．

3.終於有句人曰：其實你一早已經做緊o個o的o野啦！
咁又係喎，我負責o既兩本書，都就o黎一百期喇．
一直以來，上面只得一個大老闆睇住，
那位高手薯片，最好唔好搞佢．．．
我一直就係老總，總務個總啦！