第一次

第一次做樓市，
寫逸意居，
買頂工程帽（仲要係白色ｏ個隻，高級ｏ的），
大搖大擺走入地盤，
然後被食蕉發現，同攝記直跑上五十二樓！
接著在無圍欄之下，從天台窺視現時所謂特色單位，
才發覺自己有點畏高！
從此，認為攝記有點搵命搏，不值得，
從此，上司認為我不適合寫樓市，
劇情發展落去，
咪變ｏ左專寫人物，家族起底同惡意採訪ｏ既精神分裂囉！

關於樓市，
還有第一次見識到樓市的瘋狂，
嘉湖山莊第七期開售，
朝早七點到售樓處，
直踩到當晚十二點．
期間加推加價十一次，
每呎樓價去到五千幾，
買家仲話好抵好抵！
結果？仆街啦，
唔知當時的買家，
後來有幾多個申請ｏ左破產？

十二年

木先生剛度過了入行六週年，
細數著他這些年來的第一次，
我又嘗試回憶著我入行十二年種種的第一次．

第一次壹盤生意，訪問清潔公司，
二千多字只有減省，沒有多大改動，
呢鋪令我覺得，
中文不濟的我，注定食這行飯，自豪！

第一次記者會，
富麗華，百富勤籌組銀團，
要問梁伯韜關於哇哈哈毒水事件，
卻根本不知誰是梁伯韜，
盲舂舂變成特種部隊．
去到只見主持人叫philip tose，
錯認目標之餘，
ＰＣ完了他轉入秘密通道，
猶自等了又等，
以為自己非常堅持，
結果則被罵到仆街！
從此以後與百富勤結下不解之緣，
直到執笠，真正的梁伯韜紅著雙眼，淚眼連連，
心裡仍然恨恨，暗罵抵Ｘ你死！

第一次人物，
在馬會吃過晚飯，
車了我上太平山，
感覺被人非禮，
（事實上，被訪者是一個自以為搵到兩個臭錢

就可為所欲為的伯虎，

真的趨前欲吻！）

我可是賣藝不賣身的呀！
（結局可以想像，
伯虎死得幾ｘ咁慘，
我亦死得幾ｘ咁慘．）

第一次老棟，反而不記得了，
只覺血壓上升，緊張萬分！
然後，每次老棟變了「惡意採訪」，
開口便問：
「你覺唔覺得自己係敗家仔？」
「你o地係咪兄弟不和？」
只記得與我同行的攝影師，
簡直要用雙手令到下巴歸位！
這也成了組裡的話題，
但至今我仍然覺得，
是褒不是貶！

第一次感動了，
就是與CEO在貴州走了一轉，
從此立下宏願，
有生之年，要在山區待些日子，
教那渴求知識的孩子，懂得doreme！

往後還有很多第一次，
第一次被鬧到喊，
第一次覺得為（股）民請命，
第一次覺得自己是正義的化身．．．

如今，我卻還在摸索，
一個記者的生存意義．

星級，升級？

瞥見壹仔今期封面，
圖文並茂報道鄧聲聲背妻拖女．
好耐無見壹仔再爆呢類新聞，
都幾新鮮，都幾爆．

不過，當中又有o的爆笑，
這位「財演」，竟然突然升級變o左「星級股評人」！
咁又係o既，如果條題係話財演偷食，
震撼力就大大削弱．

記得以前在壹仔，
上司教落，能吸引最多人睇者，
第一位是上流人做下流事；
第二位是下流人做下流事；
接著是下流人做上流事；
最後才是上流人做上流事，
即是富豪捐錢扶貧做慈事o既報道唔會叫好更不叫座．

所以，捉到人黃腳雞，
山雞都即刻要變成鳳凰，
財演也立即升格為股神．

又再諗深一層，
其實財演又好，股神又好，
背妻拖女關我攬事？
作為一個財經記者，
追呢類新聞應不應該有成就感？

又等如起底故仔，
其實也沒甚意思，
尤其當你起完底，
當事人未幾便被綁架之後．