第一次

第一次做樓市，
寫逸意居，
買頂工程帽（仲要係白色ｏ個隻，高級ｏ的），
大搖大擺走入地盤，
然後被食蕉發現，同攝記直跑上五十二樓！
接著在無圍欄之下，從天台窺視現時所謂特色單位，
才發覺自己有點畏高！
從此，認為攝記有點搵命搏，不值得，
從此，上司認為我不適合寫樓市，
劇情發展落去，
咪變ｏ左專寫人物，家族起底同惡意採訪ｏ既精神分裂囉！

關於樓市，
還有第一次見識到樓市的瘋狂，
嘉湖山莊第七期開售，
朝早七點到售樓處，
直踩到當晚十二點．
期間加推加價十一次，
每呎樓價去到五千幾，
買家仲話好抵好抵！
結果？仆街啦，
唔知當時的買家，
後來有幾多個申請ｏ左破產？