一波未平,一波又起

兩代球王相遇，真的令人期待．
有人覺得殘忍，
森柏斯都退休五年了，對着一哥費達拿，
歲月催人老．

凡事總有兩面，
森柏斯技癢了，打個亞洲tour過癮下，有何不可？
不用太認真吧．
而費達拿也難得遇到如此一個強勁對手，
那種刁鑽，那種進取，並非所謂宿敵拿度所能比，
從中一定有所得着．

這場波，好好睇，好開心．
另一場波，則是大快人心，
英格蘭在歐國盃終於出局！
現在最期待的消息，
是麥卡倫被炒之後，
舒利亞（其實最好係摩連奴啦）上場，
幹掉林伯，哈哈！

舊

突然興起集體回憶、保護文物，
其實就是懷舊．
舊，除出年齡老大之外，還有點已逝去的況味．
舊人舊事舊物，通通都是過去式．
人為何會舊？物為何會舊？
因為已經被遺忘．
點解突然懷舊念舊？
因為這些本來已被遺忘的，
真的要實實在在地消失．
明明已經丟低不理，
從來不曉得珍惜，
到真正失去時又捨不得放手，
人就是這般犯賤．

剛剛睇完一個電視特輯，
關於北京的胡同．
老外說：人們明年到北京去，
不是想睇到現代化，不是想睇到高樓大廈，
而是想參觀舊城風貌，清拆胡同非常不該．
老百姓卻說：老早就想搬上樓！
點解胡同在時，你不來遊一趟？
點解人家上進，你卻認為應該原地踏步？
點解紐約倫敦巴黎可以現代化城市化，北京就要困在死胡同？
點解人家活在死胡同就是文化，你的貧民窟卻是罪惡之源？
點解看不過眼人家建設前園，卻不理自家的後院？

牽扯到景賢里，庭臺樓閣小橋流水確是古老文物，
但需不需要顧全私有產權？
張狂人會否因此現身說法，講解高斯定律？
再延伸落去，一百年後，兩百年後，
匯豐總行、中銀大廈、國金中心，係咪唔可以拆？

升職不加辛？

十月一號起，小妹由副總升為老總，
可將任何事物都與性事扯上關係的魚先生說：老闆除了我的「副」．

恭賀之聲當然不絕，
當中三個尤其縈繞於懷．

1.打比二號說：u're incredible！
有幾不可思議o者，我覺得我實至名歸喎．

2.奴才對眾組員說：你老細升o左職呀！
語調酸溜溜的，像我就快踩到他頭上，騎在他的背上去．
明明我升來升去，都在他旗下，
點解唔可以諗o下：我條o靚被大老闆賞識，正！
辦公室裡的人（抑或人回到辦公室）總是這個樣子，
人家向上爬，立即唔抵得，
人人齊吞噗，才叫好兄弟．

3.終於有句人曰：其實你一早已經做緊o個o的o野啦！
咁又係喎，我負責o既兩本書，都就o黎一百期喇．
一直以來，上面只得一個大老闆睇住，
那位高手薯片，最好唔好搞佢．．．
我一直就係老總，總務個總啦！

好運好過好波

那個晚上，黃興桂說了又說，
心裡已經忐忑，想剪爛他的嘴，碎上唔該．

然後，
沙皮的煞波，
派路的罰球，
恩沙基的心口，
好運的確好過好波．

那個晚上，
哭了又哭，與男友抱頭痛哭，
痛的是謝仔、查查，
沒了兩年前那股氣，那股永不服輸的精神，
似是已經拎過，三年不能抱兩，都也有所交待．

唯獨第十二人，仍然叫人滾動，
完場之後仍在唱歌，
You'll Never Walk Alone，
的確，大家一齊上路．

因為，我覺得，
好運的確重要，
但不是好過好波．

THX GOD

多謝晒．．．

鐘擺

鐘擺現象，在很多範疇中，也都應驗．

股市裡，投資情緒往往由極度悲觀，
然後一百八十度扭轉，變成極度亢奮，
隨之而來的，就是掉頭向下，一盆冰水照頭淋．

社會裡，由共產精神，做又三十六，唔做又三十六，
到自由經濟，小政府，大市場，
似乎發展ed或發展ing國家，也是看市場力量有幾大，
但到已發展了，突然卻又社會主義起來，
處處要求最低工資，保障低下階層生活．

那麼我的生活裡，苦難四月，浩劫五月之後，
會否來個否極泰來？
抑或鐘陀折斷，被掟到不知那裡？

宿命

只要入到四強，
必定打到決賽。
這是利記在歐聯的宿命。
本來以為，
數據是用來破的，
宿命也可以改寫，
但原來，
既然說得上宿命，
有些事情真的有其軌跡，
唔到你唔信。

我還安好

苦難四月已過，
猛然發現，
我的小宇宙，
真的藏着一個銀河系。
在有限的時間裏，
卻要發揮無邊的潛能。
為了告訴自己我還存在，
不如換個方式，只記片言，
留下這撮腦電波的痕跡，已經足夠。

遇強愈強

第二回合，先君子．．．

後小人？no way，兩隊不知幾有體育精神，乾淨俐落；

可惜．．．
先o黎懷斯斜出中楣兼被救空門，再o黎謝仔輕質怒掰射極唔入，

嚇到鼻哥窿都無肉．．．

兩屆冠軍合演兩場精彩刺激兼而有之o既賽事，最緊要係公平競技踢得有品，

唔似得隔籬場咁打交，輸波又輸品，贏了又如何？

由頭唱到尾，又一次發揮第十二人o既力量，

打不死o既精神，贏得光彩輸得漂亮o既態度，

有咁o既紅軍，至有咁o既利迷，包括我，值得大家鼓掌．

而我，已經將呢種利記神髓，

融化入自己生命當中，

唔怪之得我咁可愛可敬可歌可泣啦，哈哈．．．

反敗為勝

賽前o黎張合照先...

點知，迪高咁矮都頂入一球，連賓佬都覺得佢好o野．．．

　　　　　　

　　　　　　　

好彩，比拿美宿醉已醒，以牙還牙，以頭還頭，但仍不忘打高爾夫球．．．

　　　　　

而懷斯可能只係被高爾夫球棍打親隻左腳，點知因禍得福，竟然識用右腳入波．．．

　　　　　　

咁樣兇徒與受害者一人一球，結果就係．．．

　　　　　　

唔通．．．