失常

近排處於失常狀態，
例如，發相的時候，埋機一睇，發現相中人沒有腳！
（可能攝影師覺得很藝術，但我偏偏不識得欣賞．）
我會哈哈哈，而老總說，相片不美，是我的責任，因為我沒要求；
又例如，砌好版之後，我一睇，
那些所謂art砌出來的東西，一點美感都無，就連順眼亦稱不上，
我又再次的哈哈哈哈，而老總又說，排板不美，又是我的責任，因為我沒散版。

相片不美，我覺得係攝影師技術有問題囉，
排版不美，我覺得係設計師審美有問題噃，
人人明明各司己職，點解統統賴在我的頭上？
疾呼既然無用，或者，不能哭的話，真的只能夠笑．

又例如，奀子說她去見工，一個月之內便要走了，
我竟然有點高興，
或者，自己跳不出火坑，都想人家好，我更不會阻人發達．

大老闆一時話抽財經版面出來另做一本書，
一時又話不用抽了，先來個加版，
無論如何，結果就是同事們做到仆街，
不夠人手，又不想犧牲質素，難難難．
我已走進困局，不可掉頭，有無人打救我？