天際獨立屋瘋狂買家許壯熙曝光！
聽到嗰吓，係砰砰砰，個頭俾一萬噸鉛撞擊咗好多吓，
點解我哋做唔到？
同事ｐ說：哨牙佬鬧得很厲害麼？
同事ａ說：就算查到，公司都唔會俾錢我哋上去北京ｏ架啦．
然後同事ｐ再說：上到去，我都查唔到咁多嘢．．．
甚至連樹熊都話：邊有咁多人做嘢啫，做唔到咪做唔到囉！
對我嚟講，重點唔喺度呀！
即使哨牙佬唔鬧，我都覺得輸得好難睇，係超級無敵霹靂勁難睇囉！
俾人片，抵囉！直頭要凌遲處死以謝天下添啦！
係我錯，BVI公司查唔到，咪睇memo囉，不嬲都係咁做ｏ架啦，
點解我無追住同事睇？
點解我自己唔睇？
因為懶．
亦唔係公司俾唔俾錢ｏ既問題，
我哋根本無行第一步，係無意識去行，更加無呢個心要追呢條新聞！
係我錯，推動唔到各位，燃亮唔到各位，亦都教唔到各位啲乜．
點解我唔可以令大家士氣高昂？
點解我自己都唔士氣高昂？
因為我唔係擔當火柴ｏ既材料．
更加唔係上到去查唔查到咁多嘢，
搵唔到這個威廉許係乜料，人脈有幾廣，背後條水喉有幾猛，
咪轉移視線，講吓凱旋門依家放盤叫價每下愈況囉，買家下場幾咁慘淡囉！使慌無嘢寫？
點解咁大鑊，大家都唔覺得大鑊？
點解大家自動投降？點解我哋輸係應份？
因為我作了個壞榜樣．
今次我亦唔會用“唔夠人手”嚟做藉口，
依家唔係去貴州搵四叔個御用風水師咁無厘頭，係追踪天價成交個癲佬呀！
做唔到，行家恥笑，讀者覺得我哋無料．
電盈買SUNDAY唔做，癲佬買家又唔做，做乜攬嘢新聞呀？
輸咗，就係輸咗，無圜可轉，罪不可赥．
我已被挫敗吞噬，溶掉，消化，變成一堆屎．
skip to main |
skip to sidebar
苦，性溫，含毒．
4 comments:
其實我睇完壹仔後，也有相同的感受，很有挫敗感，腦內不斷推敲是如何尋找到的，想不到，ok啦！就當自己不是researcher，勉強找一個excuse混過去，但再細心看多一次，知道了方法，嘗試模擬自己如果跟這單故仔，去到北京，可以找到些甚麼。
結果，腦袋一片空白，不知道自己應該找點甚麼，怎樣找也毫無頭緒。
沒有壹仔的資源，如果真要做這隻故仔，確實近乎不可能，但自問即使有researchers、有無盡金錢、有時間、有人力、甚至加上李翠瑤常常埋怨欠缺的「運氣」（坦白講我絕對不認同有這回事囉！），我想我還是找不到背後千絲萬縷的人物關係，甚至覺得，在可見的將來，我也不大可能做到。
至於電盈，發生的時間實在十分尷尬，如果能夠星期二才交稿，尚算還有一天時間度故仔、找資料和寫稿，但要即日交稿，除非是一、兩版的短打，否則很難趕得及，這個倒不必太過介懷。
等你放完假返黎叉足電再搏殺過啦！可能新屋風水真係好0的呢！（雖然我亦不認同有這回事囉！哈哈。）
researcher也不是一生下來便曉找資料的,
壹仔的researcher,年資也不會比豪哥你久,
而那個上北京追料的記者,
更加比你欠經驗,
是我,是我不對,我不能點起你們心裡面那把火,
從你那句可見將來都做不到,就見晒啦.
從離開壹仔那日開始,
我就覺得,難道我就不懂做記者了?
事實證明,很多人離開以後,的確沒以前那股勁
不過,我不服輸,不可以服輸,
難道我今天真要面對現實?
又,我在想,豪哥你,或奀子,
在壹仔肯定會更能發揮,
再一次證明我是多麼的不濟.
首先我想問豪哥不認同的那回事是我沒有運氣還是世上沒有運氣不運氣這事?
我本來打了很大段留言的，但後來沒貼，是因為我知道 el 其實跟我一樣固執，一樣牛皮燈籠。不過見豪哥留言留得那樣起勁，我又來參與一下。
很坦白的說我是沒有挫敗感的，半點也沒有。起底故事於我而言從來就不是甚麼有價值的新聞。但這個例子有點特別，因為大家曾懷疑此人是否存在。其實我也緊張的，但當我看完壹仔之後，我就覺得沒甚麼大不了。如果它是踢爆根本沒這人的存在或者發現他與發展商有關係的話，我就會覺得自己輸到仆晒街。
其餘還有很多想跟你說，不過這兒不方便，見面才說吧。
Post a Comment