老媽子

男友賭波，中了卻沒買，超級揼心，
一面頻說超級黑仔，從來沒有過的運，卻擦身而去了，
一面又自我安慰，幸運已經來到，正在慢慢累積，下次肯定中鑊更甘更勁．．．
眼見他為着那二萬多元而精神分裂，覺得不值，
心中想說：”你買咗，賽果就唔係咁啦！註定沒贏錢的命！”
不忍心踩多一腳，嗗聲吞番．

他致電他老媽，訴說事件經過，大呻特呻，
豈料老媽比他更火，說道：”你咁蠢ｏ架（其實今次事件同蠢無乜關連）！又輪盡！學乜人賭波吖！”連珠炮發，
男友完全達唔到尋找安慰，分擔心蹹目的，唯有收線．
我又致電我老媽訴說一番，這個老媽的回答更加精彩：
”做乜唔叫我買呀？你哋唔記得買，贏面大啲！”完全唔理人感受，好嘢！

另，有一次病倒在家，致電老媽，問她怎麼不過來睇吓我，
換來叫人拍案叫絕的答案：”我又唔係醫生，睇嚟有乜用？！”
我想，當時我的血壓頓然飆高幾十度，血管差點就此爆裂，
結果還好端端沒被激昏，證明我身體其實很好．