三萬的疑惑

自稱香港新地標的樓盤，美名為獨立屋的頂層單位，賣到每呎三萬一千元，成為頭條；
尊貴的立法會議員質疑發展商賣魚腩（其實買家都幾魚腩）搭魚咀，又成為頭條；
其實，係咪真係咁大件事，要拎上立法會搞？
人哋買咗一籃子單位，有大有細，
細的作價比市價平了５％至１０％，
就即係作大咗大單位條數，跟住平賣細單位益人？

如果我係發展商，我會理直氣壯，
人哋大批大批咁買，梗係要俾折啦！批發都有折啦！
所以，細單位係平咗，但係大單位都係平咗，“獨立屋”呎價原本要三萬五千ｏ架噃！

然後，我又諗，今次係發展商局部公開資料，揹了黑鑊；
如果發展商當日話咗，有人買咗一籃子單位，獨立屋呎價三萬一，普通分層則八、九千；
報紙雜誌會唔會寫晒所有資料呢？
我相信結果都係呎價三萬一千成為頭條，
以及追踪豪氣買家身世發達之路，
咁到時係咪傳媒誤導大眾呢？
跟住係咪要查傳媒有無收受發展商利益呢？