森林大會II

老虎大王繼續臥病，由老虎仔主持大會。
仍是老問題，老狐狸捉唔到兔仔，亦答不上嘴幾時捉到，呢吓認真夠死。
老虎仔：究竟多餘嗰日（森林裏一個禮拜有八天），你哋在做甚麼？
老狐狸九唔搭八：我哋會俾心機整靚Ｄ陷阱ｏ架喇！
老虎仔：你哋有無檢討過你哋ｏ既狩獵技巧，又有無諗過，究竟想捉乜嘢獵物？
老狐狸：乜都捉囉！
老虎仔：哼，咁即係無諗過，唔該你同狼及狽傾清楚先！
老狐狸ｏ依ｏ依哦哦，眼厲厲嘴藐藐。

然後，老虎仔轉問狼：你又捉到山雞冇？
狼見老虎仔燒到自己嗰叠，就推卸責任，賴得就賴：老狐狸捉唔到兔仔，我無力捉山雞喎。

卒之，本來同一陣線表面馴服暗地嘲笑老虎仔的老狐狸、狼及狽內閧，
互相撕殺，同歸於盡，死無全屍。

呢個故事教訓，與虎謀皮，固然驚險，不過老虎惡到出面，未算恐怖；
與狼同行，則知人口面不知心，死咗都唔知乜事。