罪名

又多一條罪名！
三個月以來，我已被上司提出ｎ項控罪，

一．有語病．
當天他那樣批判我的時候，我簡直就像鼻樑中了重重一拳，
不懂反應，更不知反抗，酸酸的苦苦的感覺不能形容，
那一刻我心想，被人咁樣話法，唔止語病，乳癌都嚟緊喇！

二．唔識起題．
而我相信我係中point有get ｏ架！！！（怒吼十秒）

三．唔professional．
上個星期，財經大事包括國電輸港、金龍船飛天、超人系神奇業績，
選了中間那個題目，因為比較有趣，可以起底，
還覺得前者比較論文feel，後者則較分析性，
況且人手緊絀，放棄了．
若讓我再選，我也只會揀拆解超人戲法，不知幾好玩，不知幾專業．
結果，換來上司責難，說我不懂選題目，完全唔專業！
馬後炮覺得，如果你覺得國電輸港最大件事，
你大可吩咐、柯打，甚至命令我做呀！
出書之後才來阿支阿咗，你又算那門子專業？！

今天，又多了一項，就係mindset有問題，
caption唔係咁樣寫o既，要趣，要抵死．
我知道，caption應該要有added-value，或者寫吓張相有乜意思，
所以以前我會將文中沒有提及的資料，擺落caption．
趣？我覺得要睇欄目囉，得意就拎咗去八卦欄啦，
人物訪問又喺caption暗寸人呀？你估娛樂版咩？！
況且張張相都有意思咩？怎高手ｏ既攝影師都未必辦得到啦！白痴！

我入行八年半，可沒被人這樣踩過，
就算以前那個挑剔的副老總，也將我的文章選為本週好文，今天竟然落得如斯下場！
我的自我價值直插谷底，自尊被踐踏得粉碎，尤其是被他那種料子那種級數的人！

我想大聲呼叫：我唔認罪！！！！！！！！！
可唔可以申請法律援助，上訴到終審法院？！
還有，真想一拳打爆那棚哨牙．．．